Zita Kalia suli ujaarineqarpoq
Kalaaleq arnaq 30-nik ukiulik Zita Kalia, Danmarkimi siorna decembarip ulluisa 15-ianni periarfeerunneqartoq, suli ujaarineqarpoq. Østjyllandip politiivi KNR-imut ullumi taama ilisimatitsipput.
Allattoq Mads Lynge
Zita Kalia Horsensimi katsorsartinnermi nalaani periarfeerunneqarpoq.
Aningaasivik, oqarasuaat angallattagaq atisallu, arnap periarfeerussap pigisai Horsensip umiarsualiviani nassaarineqarput, aqqartartunillu ikiorserluni ujaasisoqarsimagaluartoq politiit aamma ilisimatitsipput. Ujaasinerli maannamut kinguneqarsimanngilaq.