Zimbabwep præsidentia ataatsimeersuarnermi peqataasinnaavoq

Silap pissusaa pillugu Københavnimi ataatsimeersuartoqalerpat, nunarsuarmi naalagaaffiit pisortaat arlaqartut najuutissapput. Taakkua ilagissavaat Zimbabwip præsidentia kisermaassilluni naalakkersuisoq Robert Mugabe.
Allattoq Jaaku Lyberth
novembarip 20-at 2009 10:17

Zimbabwe nunanit EU-mi ilaasortaasunit pillarneqarpoq taamattumillu Robert Mugabe pisortatigoortumik Danmarkimut iseqqusaanngikkaluartoq, aviisi Jyllandsposten taama allaaserisaqarpoq.

Naalagaaffiit Peqatigiit sinnerlugit aallartitat pillarneqarsinnaannginnerannik malittarisassaq najoqqutaralugu naalagaaffiit pisortaasa Københavnimi ataatsimeersuarnissaanni Robert Mugabe ajornartorsiutitaqanngitsumik Københavniliarsinnaassaaq.

Venstret nunanut allanut tunngasunik oqaaseqartartuata Søren Pindip Mugabe Danmarkimi suleriniarnersoq paasisinnaanngilaa.

- Inuk taamaattoq nunarsuarmi naalagaaffiit pisortaasa ataatsimiinneranni peqataatinneqartariaqanngikkaluarpoq, Søren Pind oqarpoq.

Naalagaaffiit Peqatigiit suleriaasianni pissutsit taamaammata Mugabe ajoraluartumik Københavnimi ataatsimeeqataassaaq, Søren Pind avisimi Jyllandspostenimi apersorneqarluni oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq