Zimbabwemi qinersisoqarpoq
Zimbabwemi inatsisartunut præsidentissamullu ullumi qinersisoqarpoq, inuillu 6 miliuunit missaanniittut qinersisinnaatitaallutik.
Ukiuni 28-ni siuttuusimasoq Robert Mugabe ajornartorsiorpoq, Zimbabwemi aningaasaqarniarneq ingerlanerliorfiugami.
Præsidentissarsionermi Mugabe marlunnit unammillerteqarpoq, aningaasaqarnermut ministeriusimasoq Simba Makoni qinigassanngortimmat, illuatungiliuttunilu siuttoq Morgan Tsvangirai aamma qinigassanngortimmat.
Inuit illoqarfiit pingaarnersaanni Hararemi qinersivinnukaasut imaaginnavissut, Philemon Jazi, Mellemfolkeligt Samvirkemeersoq Ritzauimut oqarpoq.
Zimbabwemi aningaasaqarniarnikkut ingerlanerliorneranut pissutaasoq tassaasoq Robert Mugabe, isornartorsiuisut oqarput, Mugabellu sukannersumik aqutsisimanera tikkuarlugu.
Qinersinermi peqquserluttuliortoqarnissaa illuatungiliuttunit aarleqqutigineqarpoq, aarleqqutigineqartullu ullumi eqquutsinneqarput, sakkutuut politiillu Hararemi ullumi inissititermata.
