Zimbabwemi pissaanermik avitseqatigiittoqalerpoq
Præsident Robert Mugabemut illuatungiliuttut MDC Mugabellu partiia ZANU-PF pissaanermik avitseqatigiinnissaq pillugu atsioqatigiinnialerput.
Tamanna Sydafrikap aviisiisa ilaanni Business Dayimi atuarneqarsinnaavoq.
Isumaqatigiinniarnerit Sydafrikami ullumi aallartinneqartusaapput, isumaqatiginniarnerilli iluatsissappata ajornartorsiutit qaangerniagassat arlaqaalupput.
Isumaqatigiinniarnissamut killiliussat illuatungiliuttut siuttuata Morgan Tsvangirai-p Robert Mugabellu ataasinngormat isumaqatigiissutigaat.
Sydafrikap præsidentia Thabo Mbeki killiliussanik pilersitseqataavoq, taanna Zimbabwemi illuatungeriinnik isumaqatigiisitsiniartutut inissisimagami.