Zimbabwemi illuatungiliuttut siuttuat ministeriuninngorpoq
Naalakkersuisunik pilersitsinissaq anguniarlugu oqartussaaffiit agguataarneqarnissaannik Præsident Mugabemik isumaqatigiissut aallaavigalugu Morgan Tsvangerai ministeriunertut ivertinneqarpoq.
Tsvangerai ministeriunertut ivertinneqarpoq præsident Mugabemit tamannalu pivoq præsidentip illorsuani.
Præsident Mugabe-p partiiata Zanu-PF-partip illuatungiliuttullu siulittaasuata Tsvangeraip akornanni qaammatini kingullermi isumaqatigiinnginneq ingerlanneqareersorlu isumaqatigiissummik atsioqatigiittoqarpoq.
Mugabe præsidentitut ingerlaannassaaq Tsvangerai naalakkersuisut siulittaasuattut, naalakkersuisoqarfiillu partiit taakkua marluk akornanni agguataarneqarlutik.
Zimbabwep aningaasarsiornikkut ajutoorluinnaqqanera naalakkersuisunngortitsinikkut anigorniarneqarpoq.