Zimbabwemi illuatungeriit isumaqatigiinnialerput
Zimbabwemi ajornartorsiutit aaqqiiviginiarlugit isumaqatigiinniarnerit partiip Zimbabwemi naalakkersuisuutitallip illuatungiliuttunilu partiit marluk isumaqatigiinniarnerat ullumi aallartinneqassapput.
Allattoq Mads Lynge
Partiip illuatungiliuttuneersup MDC-p ullaaq manna tamanna nalunaarutigaa.
Oqaloqatigiinnerit aallartinneqartariaqarnerat illuatungeriinnit isumaqatigiissutigineqarsimasoq, MDC-meersup oqaatigaa, qanorlu pilersaarnermik nalunaarut naammassineqariarpat isumaqatigiinniartoqalernissaa oqariartuutigalugu.
Isumaqatigiinniarnerit Sydafrikami pisussatut pilersaarutigineqarput.
Zimbabwep præsidentia nuannarineqanngeqisoq, Robert Mugabe, aamma illuatungiliuttut siuttuat Morgan Tsvangirai isumaqatigiissummik, pissaanermik avitseqaatigiinnissamik imalimmik ippassaq atsioqatigiipput.