Zimbabwemi eqqissiviilliornerit qaangiutilerunarput
Zimbabwemi qaammatini kingullerni eqqissiviilliornerit, nakuusernerit aningaasarliornerillu qaangiutilerunarput. Tamanna ilimagineqalerpoq, præsident Robert Mugabe illuatungiliuttullu siuttuat Morgan Tsvangirai ullumi isumaqatigiissuteqareersullu, isumaqatigiissitsiniartoralugu Sydafrikami præsident Thabo Mbeki.
Allattoq Louise M. Kleemann
Isumaqagiissut illoqarfiit pingaarnersaanni Hararemi pivoq, Afrikami nunani allani siuttut arlallit najuuttoralugit.
Zimbabwemi ministeriuninngortussanngorpoq illuatungiliuttut siuttuat Morgan Tsvangirai.
Mugabe præsidentitut ingerlaannassaaq. Mugabe 1980-imili Zimbabwe Tuluit Nunaannit avissaarmalli nunami naalagaavoq. Isumaqatigiissutip imarisai ullup ilaatigut saqqummiunneqassapput.