Zimbabwe-mi qinersinissaq Mugabe-p aalajangiusimavaa
Naalagaaffiit Peqatigiit isumannaallisaaniaqatigiivisa unnuaq nalunaarutigaat nunami illuatungiliuttut taama sakkortuuliorfigitigisaanni kiffaanngissuseqarluni naapertuilluartumillu qinersisoqarsinnaanngitsoq.
- Zimbabwe-miuusugut nammineq aalajangissavarput qinersissanerluta qinersissannginnerlutaluunniit, uanilu tallimanngorpat qinersinissaq aalajangerneqareerpoq, Zimbabwep FN-imi ambassadøria oqarpoq.
Zimbabwep illuatungiliuttuini siuttoq Morgan Tsvangirai Harare-mi hollandimiut aallartitaqarfiani nunami akersuunnerit pillugit suli qimaaqqavoq.
Tsvangirai sapaatiummat qineqqusaarunnaarluni nalunaarpoq, illersuisumi inuuneri navianartorsiortutut isigileramigit. Qinerseqqittoqarnissaanullu akerliuvoq.