Zimbabwe-mi illuatungiliuttut eqqartuussivilersuussinialerput
Zimbabwe-mi inatsisartunut præsidentimullu sapaatip akunnerata ataatsip matuma siorna qinersisoqareersorlu præsident Mugabe-p naalakkersuisuisalu qinersinerup inernera pisortatigoortumik saqqummiuttariaqaraat naalakkersuisut illuatungiliuttut eqqartuussivik aqqutigalugu misilinnialerpaat.
Illuatungiliuttut oqaaseqartartuata Naalagaaffiit Peqatigiit ilutigalugu aamma kaammattorniarpai aammik kuisinerparujussuit unitsinniarlugit iliuuseqaqqullugit.
Illuatungiliuttut qinersinermi ajugaanertik aalajangiusimavaat.
Qinersinermik aqutsisut akilerlugit illuatungiliuttut peqquserlutsinneqarsimanerat Mugabe-p naalakkersuisuisa ippassaq tikillugu aalajangiusimavaat.