Zikaza Nuummi tusarnaartitsilerpoq
Erinarsuutit nutaannginnerit nutaallu atussavaat, Zikazami guitarertoq Hans Jukku Noahsen oqarpoq.
Zikazami erinarsortoq aamma qilanaarpoq.
- Pissanganaqaaq soorunami, piareersarluarsimavugullu. Pissangavugut, erinarsortuat Siiva Fleischer oqarpoq, taannalu kisimi pissanganngilaq.
Zikaza ukiup ataatsip matuma kingornata missaani kingulermik Nuummi tusarnaartitsipput, tamannalu malunnarpoq. Tusarnaartitsisoqarnissaanut qilanaartut amerlaqaat, maluginiarneqarsimaqaarlu, tusarnaariallu amerlanissaannut ilimasuttoqarpoq.
- Tusarnaartitsilluarnissarput ilimagaara, tusarnaariartorpassuaqarnissaalu ilimagaara, Siiva Flescher oqarpoq.
Nukannguaq Bluesy Trio kissassaasoralugit, tusarnaartitsineq qulinut aallartissaaq Zikazakkullu nalunaaqutaq 23:15 appissapput.
