Zackenbergimut ilisimatusariartorusuttorpassuit
Ilisimatusarfimmi Zackenbergimi unnuisartut ukiuni kingullerni 50 procentimik amerleriarsimapput. Taakkua maajimiit aggustimullu unnuisarnernik 2.000-inik naleqarput. Taamaattumik inissat namminersorlutik oqartussanit pigineqartut aammalu Aarhus Universitetimit Danmarkimilu avatangiisinik misissuisoqarfimmit ingerlanneqartut allineqarnissaat assorsuaq pisariaqartinneqarpoq.
Maanna ilisimatusartut siusinaartumik juullimut tunissutisiassartik qilanaarilersinnaavaat. Aage V. Jensen Charity Foundation 5 mio. koruuninik tunissuteqarpoq. Aningaasarpassuit Daneborgimi ilisimatusarfiup Zackenbergip kujataani-kangiani 25 kilometerinik ungasissusilimmi ilisimatuut illussarsuata 154 kvadratmeteriusup sananeqarnissaanut atorneqassapput. Tassani ilisimatusartunut qulinut inissaqarpoq, pingaartumik imaani silap allanngutaasa kingunerinik ilisimatusartussanut.
