Yemenimi qaartartumeerisoqarmat arfinillit ajunaarput

Qaartartut biilimiittut marluk Yemenimi illoqarfiit pingaarnersaanni, Sana’a-mi, amerikamiut aallartitaqafiata silataani qaarmata Yemenimiut sakkutuut arfinillit, allat sisamat peqqarniisaartartullu sisamat inuunertik annaavaat. Tusarfiit tutsuviginartut nutaarsiassaqartitsivimmut AP-mut taama ilisimatitsipput.
Allattoq Louise M. Kleemann
septembarip 17-at 2008 13:11

Suli amerlanerit ajunaarsimanissaat ernummatigineqarpoq.

Islamisiortut eqimattakkuutaat, Islamisk Jihad Yemenimik imminnut taagortut, saassussinermut akisussaasuunerarput, ilaasortamillu ilaat Yemenimi parnaarussivinniit iperagaanngippata kangerliumanermi Arabiamut atasumi suli saassusseqqinnissaminnik sioorasaaripput.

TV-qarfik Al Arabiya taama nalunaarpoq.

USA-p aallartitaqarfiannut ukioq-manna aappassaa saassussisoqarpoq.

Peqqarniisaartartunut al-Qaeda-mut ilaasortaagunartut qamutillit atorlugit aallartitaqarfimmut marsimi saassussereersullu aallartitaqarfimmi sulisut amerlanersaat qimagussorneqassasut amerikamiut nunanut allanut ministereqarfiat apriilimi peqqusivoq. Yemenimiu nakkutilliisoq taamani toqutaavoq, niviarsiaqqallu 13-it atuarfimmi qanittumiittut ikiligaallutik.

Al-Qaedap pisortaata, Osama bin Ladenip, ilaqutai Yemenimit kingoqqisuupput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq