Red Barnet: Yemenimi meeqqat perlerlutik toqusut 85.000-iusinnaapput
Red Barnetip Yemenimi sakkuaannerit pillugit nalunaarusiaani tamanna takuneqarsinnaavoq. Meerarpassuillu allat arlaatigut iliuuseqartoqanngippat assingusumik nalaataqarsinnaasut, Kristine Mærkedahl Jensenip, Red Barnetimeersup, ernummatigaa:
- Yemenip nunarsuarmi sumiiffinni meeraalluni ajornerpaaffiunera qularutissaanngilaq, Mærkedahl Jensen oqarpoq.
Inuit 14 millionit pallillugit kaannersuaqarneranit eqqorneqarsinnaasut, Naalagaaffiit Peqatigiit nalunaarutigaat.
Iligiit Saudi-Arabiamiut siuttoralugit Yemenimik ukiup ataatsip matuma siornatigut akornusersuilereersullu inuit kaannersuaqarneranik eqqorneqarsinnaasut amerleriarput.
Nerisassanik Yemenimut eqqussuinerup eqqorneqarsimanera Red Barnetip nalunaarutigaa, illoqarfik umiarsualivittalik Hodeidah, Yemenip pilersorneqarneranik pingaarutilik ilaatigut assersorneqalersimammat
/ritzau/
