Yassir-ip assaasa inugai 12 isigaani 11

Nukappiaraq aqqanilinnik qaammatilik Yassir Tyskland-imi najugalik, isikkamigut aqqanilinnik assammigullu aqqaneq marlunnik inugaqarluni inunngorsimavoq. Isigaasigut inugai tyskit nakorsaannit peerneqareersimapput, nalinginaasumik pisussinnaalerniassammat, qaammatillu qaninnerit ingerlanneranni assai nalinginaasumik marlunnik amerlavallaartut, peerneqassamaarput.

Meeqqat amerlanerusunik assaqarlutik isikkamikkulluunnit amerlanerusunik inugaqarlutik inunngortartut nalinginnaasuusut nakorsat oqarput, soorlu aamma allatut qaratsamikkulluunniit ajoqusersimallutik inunngortartut.

Allatut iluaqiaassuseqarlutik aamma inunngortarput, qarasaannut qaratserfianullu sunniuteqartartunik, ilaannikkullu meeqqap timaata pisataatigut. Yassir-ili taamaanngilaq nakorsaq tyskiusoq Andrea Kolberg-Schwerdt oqarsimavoq.

Yassir-ip anaanaa Fatma El Hammud qilanaarpoq, ernermi assammigut inugaasa sinneruttut peerneqarnissaannut, tassamigooq assami inugai atorlugit eqqortumik kisitsisalerniassammat.