Naalakkersuisut suliffeqarfinnik ikiortarialinnik suliffissaqartitsisunik siuarsaaniartut

Naalakkersuisut Kalaallit Nunaanni suliffeqarfinnik innuttaasunik ikiortarialinnik suliffissaqartitsisunik siuarsaaniarput.

Suliffeqarfiit innuttaasunik ikiortarialinnik suliffissaqartitsisut tassaapput suliffeqarfiit nutaat immikkut nukittuffeqartut allatullu ittunik pissuseqartut, periuserlu taama ittoq nunatsinni nutaajuvoq.

Suliffeqarfiit naamminersortut suliaminnik nalinnginnaasunik tunisaqarnerminni isertitaqartartut,  sinneqartoorutitik atorlugit innuttaasunut inuuniarnermikkut atugarliortunut annertuumik suliniuteqarsinnaapput, Naalakkersuisut tugassiuutinut nalunaarutiminni taama allapput.  

 Suliffeqarfiit innuttaasunik ikiortarialinnik suliffissaqartitsisarnerat pillugu annertunerusumik paasisaqarumagaanni,
Nuummi Kulturikkut illorsuarmi Katuami marlunngornermi februaarip ulluisa arferngani saqqummiisunut tusarnaariartoqarsinnaavoq.

Soraarnerup nalaani ataatsimiilluni saqqummiussinermut  Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq Sara Olsvig aaqqissuisuuvoq.

Soraarnerup nalaanni ataatsimiisitsineri suliffeqarfiit innuttaasunik ikiortarialinnik suliffissaqartitsisut sooq atorfissaqarnersut, qanoq pilersinneqarsinnaanersut nunanilu allaniit suut misilittagarineqarnersut saqqummiunneqassapput.

 Suliffeqarfiit innuttaasunik ikiortarialinnik suliffissaqartitsisut tassaapput suliffeqarfiit nutaat immikkut nukittuffeqartut allatullu ittunik pissuseqartut; suliffeqarfiit innuttaasunik inuuniarnermikkut atugarliortunik tigusisinnaasut. Taamaalilluni suliffeqarfiit innuttaasunik ikiortarialinnik suliffissaqartitsisut innuttaasunut inuuniarnermikkut atugarliortunut annertuumik suliniuteqarsinnaapput, Naalakkersuisoq Sara Olsvig tusagasiuutinut nalunaarummi taama allappoq.

Sara Olsvigip assersuutitut taavai  inuit timikkut tarnikkulluunniit innarluutillit, angerlarsimaffeqanngitsut, atornerluisut imaluunniit innuttaasut inuuniarnikkut pissutsinik allanik ajornartorsiuteqartut, nalinginnaasumik suliffeqarnermi toqqammaveqarnissamut ajornartorsiuteqartut.

Soraarnerup nalaani ataatsimiinnermi eqqartuussissuserisoq Knud Foldschack aamma eqqartuussissuserisoq Line Barfoed sammisamut immikkut ilisimasallit, suliffeqarfiit innuttaasunik ikiortarialinnik suliffissaqartitsisut pillugit saqqummiussaqassapput

 Naalakkersuisut tusagassiiutinut nalunaarummi taama allapput.  Suliffeqarfiit innuttaasunik ikiortarialinnik suliffissaqartitsisut sooq atorfissaqarnersut, qanoq pilersinneqarsinnaanersut nunanilu allaniit suut misilittagarineqarnersut saqqummiunneqassallutik.  

Soraarnerup nalaani ataatsimiinneq ulloq 6, februaari 2018 nal. 16.30-18.15 Katuami Ikinngutigiit Inaanni ingerlanneqassaaq.

Inersuarmiit apeqquteqarnissamut periarfissaqassaaq. Kikkut tamarmik tikilluaqqusaapput.