WWF uparuaavoq
Pinngortitaq pillugu nunarsuaq tamakkerlugu suliniaqatigiiffik WWF taamatut uparuaavoq, isumaqarami maannakkut Kalaallit Nunaannut tikeraarnerpassuit arlaatigut silap pissusaanut atatillugu angusaqarfiusariaqalersut.
- Isumaqarpunga nunat tamat politikkeriisa Ilulissanut tikeraarnerminni misingisarpassui ilaatigut pingaarutilittut inissinneqartariaqalersut, silammi pissusaata allanngoriartorneranik atuakkani nalunaarusianilu atuartakkanit nammineq isit atorlugit takusimasat pingaaruteqarnerussaqimmata. Kalaallit Nunaat takusassartaqarimanngitsutut isiginiarneqassanngilaq. Piffissanngorporlu politikkerit takusimasatik pillugit inerniliisariaqalermata, silap allanngoriartornera pillugu suleqataasoq; John Nordbo, Pinngortitaq pillugu nunarsuaq tamakkerlugu suliniaqatigiif-fimmeersoq, Radioaviisimut taama oqarpoq.
John Nordbo ilaatigut isumaqarpoq, Kalaallit
Nunaannut tikeraartarnerpassuarni paasisat atorluarneqarnerusariaqartut maannakkut New Yorkimi silap pissusaata allanngoriatornera pillugu ataatsimeersuaqataasunit.
- Anders Fogh Rasmussenip assersuutigalugu oqaluseerisimavaa, pingaaruteqartoq aningaasaqarnik-kut ineriartorneq kiisalu silap allanngoriartornerata pissusaanut atatillugu taakkua marluk ingiaqatigiisinneqartariaqartut. Kalaallit Nunaannulli angalasimanini pillugu suut takusimanerlugit suullu malungisimanerlugit eqqaasaqarsimanngilaq. Isumaqarluinnarpunga politikkerit Kalaallit Nunaannut angalasimanerminnut atatillugu suleriarnissaminnik amigaateqartut. John Nordbo, taama oqarpoq.
