WWF: Nunat pisuunerit silap allanngoriartorneranut akiuinerusariaqarput
Taama isumaqarpoq pinngortitaq pillugu suliniaqatigiiffik Verdensnaturfonden. Taassuma Allianz SE peqatigalugu nunat taakku silaannaap allanngoriartornera tunngavigalugu iliuusaat pillugu nalunaarusioqqammerpoq.
Nunat G8-t tassaapput, Tuluit Nunaat, Tyskland, Frankrig, Italien, Canada, Japan, Rusland aamma USA.
Canada Ruslandilu silaannaq pillugu naammattumik politikkeqannginnertik pillugu ajornerpaanerarneqarput.
Tyskland, Tuluit Nunaat aamma Frankrig Kyotomi isumaqatigiissummik naammassinnissimasut pitsaanerusumi inissisimapput.
Taamaakkaluartorli Verdensnaturfondenip nunat arfineq pingasut sulillutik aallarteqquai, Københavnimilu silaannaq pillugu isumaqatigiissuteqarnissap aqqutissiuunnissaanut suleqataaqqullugit.