Wuhanimi inuit akornanni 1 millionit missaanniittut aneqqusaajunnaartut
Kinami illoqarfissuarmi Wuhanimi inuit sisamat coronavirusimik tunillanneqarsimasut paasineqarmat inuit akornanni 1 millionit missaanniittut oqartussaasunit aneqqusaajunnaartinneqarput.
Tuluit Nunaanni tusagassiorfiit ilaat BBC taama allappoq.
Wuhan coronavirusimik 2020-mi tunillaassuutileqqaarfiuvoq. Coronalu tunillaassuunnaveersaartinniarlugu illoqarfinni killilersuiffiusuni siullerpaavoq.
Wuhanimi coronaqanngilluinnarnissamik politikkeqarpoq, taammaat inuppassuit misissorneqartarput, inunnik aneqqusaannginnermik sukannersumik politikkeqarpoq allatigullu killilersuisoqarlunilu.
AAMMA ATUARUK Shanghaimi inuit 2,6 millionit coronap tuniluutileqqinnerani aneqqusaajunnaartut
Wuhanimi inuit sisamat coronavirsumik tunillanneqarsimasut akornanni marluk tunillatsissimanermik ersiuteqanngillat, taakkulu qanigisaat marluk aamma tunillanneqarsimallutik.
Kinami corona pillugu sukannersumik politikkeqarneq peqqutaalluni coronap tunillaassuunnerani ikittuinnaat toqupput. Tamaanilu killilersuinerit aamma atorunnaarsinneqajaarput.
Nunarsuup sinnerani sapinngisamik nalinginnaasumik inuuneq coronavirusip tunillaassuunnerani atorniarneqartoq, Kinami killilersuinerit sukannersut atuutsiinnarneqarput.
KInami illoqarfissuarmi Shanghaimi qaammatini marlunni sukannersumik killilersuisoqareersorlu killilersuinerit qaammatip matuma siuliani atorunnaarsinneqarput.
