Wozniacki semifinalemi ajorsarpoq

Unamminerup immikkoortuani siulermi Caroline Wozniacki aallartilluarluni unammisani 6-3-mik ajugaaffigaa. Immikkoortumi tullermi Caroline Wozniackip periarnini ajugaassutigisinnaasaraluani kukkunikkut anisippaa, taamaalilluni Li Na 5-4-mik ajugaalluni. Unamminerup immikkoortuisa pingajussaani Kinamioq ajugaavoq 3-6-imik, taamaalilluni Wozniazki unammersuarnermit anisillugu.

- Tennisernermi arsap suna tamaat allanngortissinnaavaa. Semifinalimut maanna annguttutut maani issiassagaluarpunga, kisiannili tassa taamaanngilaq. Li Na unammilluarneruvoq, unammereernerup kingorna Wozniacki oqarpoq.

Nunarsuatsinni tennisertartuni arnani Wozniacki normu et-iusoq maanna aappassaa finalemut anngutinngitsoorpoq. Li Na siullermeerluni grand-slam-eqarnerani finalemut anngulluni.

Li Na-p finalemi naapissavaa belgiamiu Kim Clijsters, taanna nunarsuatsinni pitsaanerit normu 3-tut inissisimavoq.