World Trade Center eqqaaniarpaat

New Yorkimi illorsuarnik World Trade Centerinik Pentagonimilu illersornissaqarfimmut peqqarniisaarniat ukiut tallimat matuma siorna saassussinerat USA-mi tamarmi septembarip aqqarnanni eqqaaniarneqarpoq.

New Yorkimi borgmesteri Michael Bloomberg ullaaq nalunaaqutaq qulingiluanut tanneq qulingiluanngulersoq eqqaaniaanermik ammaavoq. Ukiut tallimat matuma siornagut taamaaleqqissaartorluWorld Trade Centerip aappaa timmisartumik aporneqarpoq. Qimataasut toqusortatik oqaluttuaraat. Toqutaasut aqqi arriitsumik ataqqinnippaluttumillu amerikamiut ileqquattut atuarneqarput.

Illersornissaqarfimmi Pentagonimi Pennsylvaniamilu narsaannarmi aamma eqqaaniaasoqarpoq.Septembarip aqqarnanni pisimaut amerikami TV-eqarfimmit aallakaatinneqaqattaarput. Issarnermiit issarnermut itisilerlugit oqaluttuarineqarlutik. Londonimissaaq eqqaaniaasoqarpoq, tulunnik 67-inik New Yorkimi toqutaasimasunik eqqaaniaasoqarluni. Amerikamiut sivisungaatsiaamik ataasiusutullusooq misigisimapput, ataasiusutullu misigisimaneq USA-mi præsidentip novembarimi qinersisoqalerpat pisariaqartippaa. Ataasiusutulli misigisimaneq sivikissagunarpoq, USA naalakkersuisut ajornartorsiormata.