World Debate Nuummi
BBC-p oqallittunik aallakaatittagaata World Debatep sapaatip akunneranut ataasiarluni aallakaatinneqartartup oqallitsitsineranut KNR atortunik sulisunillu atukkiivoq.
Allattoq Noah Mølgaard
Tuluit Nunaanni tamaginnik kiffartuussivik BBC aallakaatitassiamut nangeqattaartumut World Debatemut atatillugu Issittumi Siunnersuisoqatigiit ataatsimiinnerannit oqallinnermik immiussissaaq. TV-mi aallakaatitsinermut aqutsisuusartoq BBC-meersoq Nik Gowing oqallinnermut aqutsisuussaaq.
KNR aaqqissuussinermut tassunga atortortunik sulisunillu atukkiissaaq. BBC aappassaanik KNR-imit suleqatigineqarpoq. Aallakaatitassiap Hard Talk-ip, silap pissusaata allanngornerata kingunerinut tunngasup, paasiniagassartai imassaalu nutaarsiassaqartitsivinnit taakkunannga marlunnit kingullermik suleqatigiissutigineqarput.