Wikipedia kalaallisut allattalerusuppoq
Nittartagaq allaaserisanik assigiinngitsorpassuarnik imaqartoq, Wikipedia kalaallisut allassinnaasunik nittartakkami ilanngussisartussanik ujarlerpoq.
Wikipedia nittartakkamini allappoq, nittartakkami allaaserisaqartartut nunat allamiut oqaasii atorlugit 15 millioniusut, allaaserissallu sunilluunniit imarsinnaallutik.
Nittartakkami Wikipediami kalaallisut allaaserisat 1.643-iunnaat ilanngunneqarsimapput.
Taamaattumik Wikipedia ima allappoq.
- Allaaserisat nittartakkamiittut nutarterneqarnissaannut atuaqqissaarneqarnissaannillu pisariaqartitaqarpugut.
Allaaserisanik nutaanik kikkunit tamanit soqugineqarsinnaasunik nittartakkami pisariaqartitsisoqarpoq.
Allaaserisanik paasissutissanik imaqartunik ujarlerfigineqarsinnaasunillu kalaallisut allassinnaasunik pisariaqartitsisoqartorujussuugunarpoq.
- Ajoraluartumik kalaallisut allassimasunik nittartakkami maannakkut soqarpianngilaq, taamaattumik ajuusaarluta qallunaatut allassimasut atuarneqarnissaat innersuuttariaqarparput, Wikipedia nittartakamini taama allappoq.
Nittartakkami allaaserisanik ilanngussineq nammineq piumassutsimik aallaaveqarluni ilanngussisoqarsinnaavoq aamma akissarsissutigineqarsinnaanngilaq, nittartakkami Wikipediami allaaserisat aningaasarsiutigineqarsinnaanngimmata, Wikipedia nittartakkamini taama allappoq.