WHO-p imminortarneq pillugu ullorititaa malunnartinneqassaaq
WHO-p imminortarneq pillugu ullorititaa, septembarip qulingat, nunatsinni illoqarfinni arlalinni malunnartinneqassaaq qulequtaralugit "Think Globally - Plan nationally - Act locally", (Nunarsuaq tamaat eqqarsaatigiuk – nuna tamakkerlugu pilersaarusiorit – sumiiffinni iliuuseqarit).
Allattoq Louise M. Kleemann
septembarip 09-at 2008 07:49
Nunatsinni imminortarneq angutit 15-iniit 19-inut ukiullit akornanni nalinginnaanerpaavoq. Taamaammat pissusissamisoortutut isigineqarpoq imminortarnerup eqqartornerani inuusuttut isiginiarneqarnissaat. Aqagu Aasianni, Ilulissani, Atammimmi, Qaqortumi, Nanortalimmi Narsamilu imminortarneq akiorniarlugu assigiinngitsunik aaqqissuussisoqassaaq. Nuummi Paarisap suliniaqatigiiffiillu aaqqissugaannik immikkut ilisimasallit arlallit oqalugiartinneqassapput.
