WHO arnamik siuttortaarpoq
Naalagaaffiit Peqatigiit peqqinnissakkut suleqatigiiffiat WHO nutaamik siuttortaarpoq, siullerpaamillu arnamik siuttoqalerlutik.
Kinamiu Margaret Chan WHO-mut siuttutut ullumi toqqagaavoq. Atorfillit ilaat taama ilisimatitsivoq.
WHO-p siulersuisuini nunat ilaasortat pingaarnerpaat arlallit Margaret Chan-imik piukkussimmata, 59-inik ukiullip Chan-ip qinigaanissaa ilimagineqarsimavoq.
Margaret Chan Naalagaaffiit Peqatigiit peqqinnissakkut suleqatigiiffiata WHO-p timmissat nappaataannik akiuiniarnermut qullersaqarfiani ukiuni arlaqartuni aqutsisuusimavoq, Hong Kongillu peqqinnissaqarfiata qullersaqarfiani pisortaasimalluni.
WHO-p siuttorisimasaa Lee Jong-Wook ukioq manna tassanngaannartumik toquvoq, Margaret Chanilu Lee Jong-Wook taarsissavaa.