Eqqissiviilliornerit 13-it orniguffiginerisa saniatigut aqqusinerni eqqissiviilliortitsinerit pingasut politiit ornittariaqarsimavaat aamma niuertarfinni tillinniarnerit tallimat, imigassanik aalakoornartulinnik tillinniarnerusimasut ornittariaqarsimallugit.
Arfininngornerup sapaatillu akornani unnuakkut angut inuusuttoq Nuummi Radiop qaqqaani Blok 17-ip qaarpiaaniit ammut imminut igeriunniartoq politiinit aamma unissarneqarsimavoq.
Blok 17-ip tungaanut aqqut asserneqareermat angut inuusuttoq nikallungaqisoq nalunaaquttap akunnerini marlussunni oqaluullugu oqaluullugu aqqartinneqarsinnaasimavoq.
Ippassaq sapaammi ullaassakkut Shotokan Karate Do-rtartut sungiusartarfissaanni aserorterisoqarsimavoq. Aatsaat taama aserorterisoqalinngimmat politiit assut kikkut taamaaliortartuunerat paaserusukkaluarpaat.