Watsonip Danmarkimit iperagaanera Japanip pakatsissutigigaa
Avatangiisinik illersuiniap Paul Watsonip iperagaanera pakatsinartoq, Japanimiut naalakkersuisuisa danskit naalakkersuisuinut erseqqissaatigaat.
Japanimiut naalakkersuisuisa oqaaseqartartuat taama oqartoq, nutaarsiassaqartitsivik AFP allappoq.
Paul Watson juulimili tigummigallagaanikuulluni Kalaallit Nunaanni ippassaq marlunngornermi ullaakkut iperagaavoq.
Watson Japanimut tunniunneqassasoq, Japanip piumasarigaluarpaa, Danmarkimili inatsiseqarnermut ministereqarfiup japanimiut noqqaassutaat tunngavissaqanngitsoq oqaatigaa.
Paul Watsonip japanimiunut arfannianut akornusersuisimasutut 2010-mi illersuiniarnikkut akornusiisimanera pillugu tigusarineqarnissaanik japanimiut peqqussuteqarnikuupput.
Japanimiut oqartussaasuisa Watson japanimiut arfanniutaat arfanniarnerani suliaannik akornusiiniarsimasutut unnerluutiginiaraluarpaat.
Meeqqani Frankrigimut juullisioqatigiartorniarlugit, Paul Watson oqarpoq, Watsonip Nuummi tigummigallagaanermini pinerluuteqarsimasunut inissiisarfimmeeqatini tassanilu sulisut ajunngitsumik pinnissimanerannut qutsavigai.
