Wang - Afrikami nannut kingullersaat
Nanoq Geebee 29-nik ukioqalersoq Canadameersuuvoq, sivisoqisumillu Johannesburgip kiassua anigorsinnaasimallugu, aasakkut ilaannikkut 30 gradit angullugit kiassinnaasarmat.
Nanoq utoqqalilluni toqusoq ukiut qulikkaat pingasungajaat aappani Japanimeersoq Wang peqatigalugu uumasuusivissuarmiipput.
Uumasuusivissuaq nannup toqusup taartissaanik pissarsiniarnissaminik pilersaaruteqanngitsoq uumasut nakorsaat Katja Koeppel oqarpoq. Uumasunullu nunarsuarmi issinnerpaani uumasuusunut silap pissusia naleqqutinngitsoq oqaatigalugu.
- Naleqqussallaqqikkaluarput, piarartaanngillalli. Tassa silap pissusia naleqqutinngimmat.
Ilanngullugulu oqaatigalugu nannut taakku nalunnissartik nuannarisimaqigaat, kingornalu inimi nillissutsimut naleqqussakkamiittarsimallutik.
Geebee'p toqunerata kingorna Wang allarluinnarmik pissusilersulersimavoq. Nanoq eqqissiveeruttarpoq imminullu mianersuukkunnaarluni, uumasut nakorsaat oqarpoq.
