Vædderen nakkutilleeqqilerpoq
Sakkutuut sinerissamik alapernaarsuutaat Vædderen, ilisimatusaatigalugu nunarsuaq kaajallallugu angalanermi GALATHEA-mik taaguutilimmik angallassereerluni Atlantikup Avannaata imartaanut uterpoq.
Allattoq Elisa Isaksen
Sakkutuut nakkutilliissutaata soqutigineqaqisumik nunarsuaq kaajallareerlugu tamatumalu kingorna amutereerluni, isikkutoqqamisut isikkoqarluni Atlantikup Avannaani nakkutilleeqqilerpoq.
Vædderen novembarip 25-ata tungaanut Savalimmiuni sakkutuut qullersaqarfianni ikiuuttussaavoq, aalisarnermik nakkutilliilluni savalimmiormiunullu assigiinngitsutigut ikiuulluni.
Novembarip 25-anniit Vædderen Nunatsinnut uteqqissaaq, Kangilinnguanilu sakkutooqarfiup ataani inissisimalissalluni.