VM-imi unamminerit maani Kalaallit Nunaanni suliffiup nalaani aallakaatinneqartarnerat amerlaqisut uggorijunnarsivaat.
Kisiannili Dansk Erhverv naapertorlugu napparsimasuusaartarneq pinaveersartinniarneqarsinnaavoq.
- Ajornartorsiutivik aatsaat pilersarpoq sulisoq freersinnaatitaanngikkaangat sulisorlu ullumi pineqartumi ulluniluunniit pineqartuni napparsimalluni nalunaaraangat, Dansk Erhvervimi eqqartuussissuserisoq Frederik Brocks Ritzauimut oqarpoq.
Taamaattumik suliffeqarfiit nassaarsiullaqqissuunissaat pisariaqarpoq oqarlunilu:
- Ajornanngippat sulisut arsaattunik soqutigisaqanngitsut sulisut unamminernik isiginnaarumasut suliffissaannik tigusinissaat isumaqatigiissutigineqarsinnaavoq.
Taanna aamma oqarpoq suliffeqarfiit arlallit VM-imi aallakaatitatigut aaqqissuussisartut, taamaalillutillu unamminerit isiginnaarneqarsinnaasarlutik.
Kiisalu taanna erseqqissaavoq suliffeqarfiup pineqartup ingerlannissaata eqqarsaatiginissaa pingaarnerpaajummat taamaattumillu sulisut freersinnaanersut freersinnaannginnersulluunniit sulisitsisup naliliivigisariaqarai.
Danmarkip Hollandillu unamminerat junip 14-ani nalunaaqutaq 9.25 KNR-TV-kkut aallakaatinneqassaaq.