Vladimir Putin ukiumoortumik oqalugiarpoq
Russit præsidentiat, Vladimir Putin, Ruslandip naalagaaffiata qanoq inissisimanera pillugu ukiumoortumik oqalugiarpoq. Apeqqullugu annertooq utaqqineqarsimasoq, akineqanngitsorli – Putini præsidentitut tunuarpat kina præsidentissatut piukkunneqarnersoq oqaatigiumaneqanngilaq.
DR-p ilanngutassiortuata, Poul F. Hansenip, apeqqut pineqartoq akineqarnersoq ima oqaluttuaraa:
…
Putinip nalunaaquttap akunnera ataaseq sinnilaarlugu oqalugiarnermini naggataatungaatigut oqaatigaa, Ruslandip naalagaaffiata qanoq inissisimanera pillugu naggataamik nassuiaateqarluni, nassuerutigaalu tulliani qinersisoqalerpat naalagaaffiup inatsisai malillugit præsidentiuffissani naammat sassaqqinniarnani. Præsidentimulli piukkunneqarsinnaasut ilimagineqartut sallerpaasussat marluk tassaapput, Illersornissamut ministeri, Ivanoff, vicepremierministerilu, Dimitri, ilisimaneqanngilarli kina præsidentinngorumaarnersoq.
Ruslandip inatsisartuinut naggataarutaasumik oqalugiarujussuarnermini Putin qularpalugani ajugaasimaarpalullunilu siumut isigisumik oqalugiarpoq, oqaatigaalu Rusland nunarsuarmi nunat pisuujunerpaat qulingattut maanna inissisimasoq, nakkaattoorluinnarsimagaluarlunilu aningaasaqarnerup tungaatigut maanna qanoq nikutseqqissimatigisoq. Uuliamiillu pisuussutit siunissami qanoq atorneqarnissaat eqqartoramiuk oqarpoq, utoqqalinersiallit atugarissaarnerulernissaannut, inissialiortiternissanut, ilisimatusarnermut, allarpassuarnullu uuliamit aningaasat atorneqassasut.
Ukiunut qulinut/15-inut isigaluni, pereersimasut qiviarnagit, siumulli isigaluni, oqalugiaateqarpoq.
