Vittusip atsiornerit tamakkerai
Inatsisartunut qinigassanngortitsisinnaanissaq anguniarlugu partiimi Nunatta Qitornaani siulittaasoq atsiornernik nutaanik marlunngornermi tunniussisussanngorpoq, Sermitsiaq.AG. taama allaaserisaqarpoq.
Allattoq Kenneth Elkjær
marsip 13-at 2018 09:56
Nutserisoq Bikki P. Kleist
Vittus Qujaukitsup qinigassaanngortitaqarnissamut atsiornerit pisariaqartinneqartut 942-it tunniuteqqarpai, atsiornerilli arlaqartut Qinersinermut Ataatsimiititaliap Allattoqarfianut tunniunneqareersimagaluartut akuerineqanngitsoorput.
Taamaattumik siulittaasoq partiimilu namminneq kajumissutsiminnik suleqataasut nutaanik atsiornernik katerseqqittariaqalersimapput. Partiillu atsiornerit nutaat akueritinnissaannut tunniuttussanngorpai:
- Atsiornerpassuit nutaat kommunimut ullaap tungaani tunniukkiartussavakka, Vittus Qujaukitsoq Sermitsiaq.AG.-mut taama oqarpoq.
Partii Suleqatigiisitsisut atsiornerit 1000-t missaanniittut ataasinngornermi tunniuppaat, atsiornerillu Namminersorlutik Oqartussanit akuerineqarnissaat maanna utaqqineqalerpoq.