Vitamiinitortarneq akissaajaataaginnartarpoq
Vitaminitortarneq asuli aningaasaajaataasartoq misissuinermi paasineqarpoq. E-vitamiinit ukiuni 15-ini pisoqaassusillit uummatikkut ajoquteqalernissaraluamik pinngitsoortitsisinnaanersut ilisimatuunit uppernarsarneqarsinnaasimanngilaq.
Nerisat aqqutigalugit vitamiinit pisartakkat apeqqutaammata misissuineq oqaaseqarfigisinnaanngilara. Vitaminilli inuup pisariaqartilluinnarpai, Dronning Ingridip Napparsimmavissuani nakorsaq Gert Mulvad oqarpoq.
Gert Mulvadip D-vitamini assersuuteqarfigaa. Seqernup D-vitaminimik tunisarpaatigut. Tassa imaappoq maani nunatsinni kiinarput kisiinnangajammi D-vitaminimik tunisittarpoq. Aalisagartorluaruttali D-vitamiinimik timerput tunisassavarput.
Gert Mulvadip aamma oqaluttuaraa, kalaallit qangarsuaaniilli nannup tinguinik nerivallaartarnissartik mianersuutigisaraat. Nannup tingua A-vitamininik ulikkaarpoq.