Visa/dankortit 2012-mi taarsersorneqassapput
Danmarkimi akiliinermi allagartat visa/dankortit tamarmik kingusinnerpaamik 2012-mi atorunnaassapput. Taamalu pisoqartussanngorpoq aningaaseriviit aalajangerniaataarsimammata akiliinermi allagartat qanoq sivisutigisumik atorsinnaanissaat pillugu. Taama Avisen.dk allappoq.
Visa/dankortit taarsersornissaat aamma nunatsinni pissaaq maannalu Grønlandsbanken piareersaleruttorpoq.
- Ilimaginngilarput sullitatta annerusumik ippinnartorsinissaat akiliinermi allagartat nutaat atulernissaannut atatillugu, taama KNRimut oqarpoq Grønlandsbankenimi akiliinermi allagartat pillugit IT-mi akisussaasoq Anni Søe Svendsen.
- Tassami visa/dankortit tamarmik ataatsikkut atorunnaarnavianngillat tamannalu ukiup ingerlaneranni ingerlarusaartussaassaaq. Kingullermillu aningaaserivinni allagartat taarsersorneqarmata Grønlandsbankenimi annerusumik ajornartorsiutitaqarsimanngilaq, taama Anni Søe Svendsen oqarpoq.
Dankortit ilaasa sivikinnerusumik atorneqarsinnaanngornerat anigaaserivinnut - imaluunniit taakkunannga atuisunut - 15 miliuuni koruuninik aningaasartuutigineqassasut, Avisen.dk allaaserinnippoq.
Danmarkimi dankortiliorfiit annersaat nalunaarpoq, dankortit assitaarummatali aatsaat taama amerlatigisunik kortiliortariaqassallutik.