Vietnamimi nuna sisummat sakkutuut 14-it ajunaarput
Vietnamimi nunap immikkoortuani Quang Trimi nuna annertooq sapaammi ullaakkut sisuvoq.
Nunap sisunerani sakkutuut 14-it ajunaarput, arfineq pingasullu ujaarineqarput.
Vietnammimi naalakkersuisut taama nalunaaruteqarput.
Oktoberip qaammataata aallartinnerani Vietnamip qiterpasissuani siallerujussuarmat qarsutsisoqartarpoq nunalu sisummat inuit 64-it ajunaarput.
Ulluni tulliuttuni siallerujussuarnissaa aarlerisaarutigineqarpoq.
Ajunaarfiusup eqqaani nunap immikkoortuata sanilerisaani Thua Thien Huemi ullut arlaqanngitsut qaangiummata nuna sisummat inuit 13-it ajunaarput.
Ajunaartut amerlanersaat sakkutuujupput.
Vietnamimi naalagaaffiup tusagassiorfiisa sapaammi nalunaarutigaat, nunap immikkoortuani Quang Trimi kuuit qarsutsisimasut ukiullu kingulliit 20-it ingerlanerani aatsaat taama qaffatsigalutik.
Vietnamip silasiorfianit nalunaarutigineqarpoq, pingasunngornerup tungaanut Vietnamip qiterpasissuani sumiiffinni arlalinnni 600 millimeterisut annertutigisumik siallissasoq