Video: Ullorissap anai Ruslandimut torartut

Ullorissap anai Ruslandimi Kazakhstanimilu sumiiffinni arlalinni ullaaq nakkaasimasut Ruslandimi oqartussaasut uppernarsarpaat, soorlugooq sialliinnallartoq. Ruslandimi nutaarsiassaqartitsivimmi, Ria Novosti-mi, tamanna allaaserineqarpoq.
Allattoq Carla Davidsen, Ritzau
februaarip 15-at 2013 07:31

Ullorissap anaa ataaserujussuaq, imaluunniit mikisut arlallit, nakkaasimanersut suli ilisimaneqanngilaq.

- Ilisimatitsissutit uppernarsarneqareersut naapertorlugit, ullorissap anaa ataaseq, nunarsuatsinnut qanilliartornermini ikuallalluni nungukkiartulersimavoq, arlalinngorlunilu aggorluni. Ruslandimi oqartussaasut sinnissaat taama oqarpoq.

Qaamasut suugaluarnersut arlallit nunamut nakkariartortut filmiliarineqarsimanerat qarasaasiakkut takuneqarsinnaavoq, aviisimi Russia Todaymi allapput.

Sumiiffinni takunnissimasut oqaluttuarput illut arlallit qanngornernit sajuppilussimasut, igalaat aseruatiterlutik teqqarsimapput, oqarasuaatillu angallattakkat atorsinnaajunnaarlutik.

Inuit 400-t misasat ajoqusersimassangatinneqarput, igalaaminernilli eqqorneqarnermikkut kilertitilaaginnarsimapput, tilluusarlutillu.

Aajuna video ippassaq Youtube-mut ikkunneqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq