Sakkutuut sorsuffiusuni sakkortuumik misigisaqartarsimasut nunatsinni ataatsimoornerunissaat anguniarparput, Gerth Sloth Berthelsen oqarpoq.

VIDEO: Sakkutuuiarnerit nunatsinni 100-t sinneqartut

Sakkutuut nunanut allanut aallartitaasimasut, tassa sorsuffiusuni sakkutuujusimasut nunatsinniittut 100-t sinnerpaat. Taakkulu isiginiarneqarnerunissaat ilaatigut anguniarlugu "sakkutuut nunanut allanut aallartitaasimasunut suliniummik" taallugu Gerth Sloth Berthelsen ilanilu Danmarkimiit nunatsinniipput.

- Sakkutuut nunanut allanut aallartitaanikuusimasut Kalaallit Nunaanniitut 100-t sinneqartut paasitikkusullugu anguniarparput. Taama oqarpoq Gerth Sloth Berthelsen. 

Taanna sakkutuuiarneruvoq nunanut allanut aallartitaasimasoq, nunatsinnilu sakkutuunik nunanut allanut aallartitaanikuusimasunik naapitserusulluni Nuummiittoq naapipparput.

Gerth Sloth Berthelsen ilanilu sakkutuutut nunanut aallartitaasimasut attaveqaqatigiinnerulernissaat suliniutigaat.

Soorlu Gerth Sloth Berthelsen ikinngutinilu Mads Rasmussen sakkutuutut Kroatiamut 1992-imi aallartitaanikuugamik ullumikkut ataqatigiittorujussuullutik oqaatigaat. Sorsuttoqarfinnimi sakkutuutut piareersimaffigisassarpassuusinnaasarput.

- Kalaallit Nunaat taama isorartutigitillugu ajornartorsiuteqalissagaluaraanni nalunagulu allanik sakkutuutut nunanut allanut aallartitaasimasunik maaniittoqartoq, taava oqaloqatigiissinnaassapput. Taanna aamma pingaartipparput, Gerth Sloth Berthelsen oqarpoq. 

 

Veteranprojekt Grønland NTO knr.gl

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat