VIDEO Maaji Nuan: Ikilanap aataqqiini pingasunngornerit tamaasa pisuttuaqatigisarpaa
Qanoq ateqarpit?
– Ikilana.
Una kinaana?
– Aataqqii.
Ikilana marlunnik ukioqarpoq, aataqqiinilu Olaf Kleist pisuttuaqatigaa.
Utoqqaat coronavirusip ajornartoortitsinerani angerlarsimaannaqqusaapput - maannali maajiuvoq, nunatsinnilu coronavirusimik maanna tunillatsissimasoqarani.
Maaji Nuan aamma pileruttorpoq. Timersornermillu aaqqissuussarpaaluit akeqanngitsumik peqataaffigineqarsinnaasut ukiut tamaasa maajimi pisarput.
Taamaammat utoqqaat illuanni paaqqinniffimmilu Ajarsivasimmi najugallit meeqqallu meeqqerivik Aqqalummeersut pingasunngornerit tamaasa pisuttuaqatigiittarput.
Olaf Kleistillu tamanna nuannaarutigaa:
- Ernutaqqiutikka sisamat Aqqalummiittarput, taakkulu pisuttuaqatigisarpakka, Olaf Kleist oqarpoq.
Video uuma ataani isiginnaarsinnaavat: