VIDEO Inuussutissarsiutigalugu timersortartumiit aalisartumut: Akutaaneq Kreutzmann ernumassutissaqanngitsoq

30-nik ukiulik inuussutissarsiutigalugu timersortartuusimasoq inunngorfimmini Maniitsumi maanna aalisartuuvoq.
Qarleeqqat kamippaallu assammik arsassutit ulluinnarsiutigiunnaarlugit saallinik orangeanik ulluinnarsiuteqalerpoq. Assi © : Privat
juulip 17-at 2020 14:59
Nutserisoq Hanne Petersen

Akutaaneq Kreutzmannip inuussutissarsiutigalugu assammik arsarneq ukiut qulit sinnerlugit aalluppaa. Maanna Maniitsumiippoq – timersornermiillu aalisarnermut saannikuuvoq.

Inuttaami inunngorfimmini maanna aalisartuuvoq.

- Aalisarneq nuannareqaara. Taamaammat aallulluarlugu ilikkarluarusukkakku massakkut aallutissavara, taanna oqarpoq.

 

Assi © : Privat

 

Akutaaneq Kreutzmannip inuussutissarsiutigalugu assammik arsarneq Japanimi upernaaq taamaatippaa. Ukiut qulit sinnerlugit nunani allaniittarnermini nunatsinnut angerlarsikulasalersimavoq.

AAMMA ATUARUK Akutaaneq Kreutzmann aamma angerlarpoq

- Misigigakkuuna aallaqqissinnaananga. Nunarput nuannertuaannarami ernumassutissaqanngilanga, taanna oqarpoq. 

Akutaaneq Kreutzmannip apersornerani immiussaq ataani isiginnaarsinnaavat.

knr.gl: Akutaaneq Kreutzmann