Video: Qaqortumi Mette Blomsterberg naliliisoralugu kaagiliornermik unammisoqartoq

Hotel Qaqortoq sapaatiummat iserfigalugu kaagisunnialaaq kaffisunnialaarlu tipisiassaapput. Tamaanimi kaagiliornermik inuit 14-it unammisinneqarput.

Danskeq kaagiliortartutut ilisimaneqarluartoq Mette Blomsterberg unamminermi naliliisuuvoq.

Kaagiliornermilu nunatta pissarititaanik akuuisoq unamminermi ajugaavoq.

- Kuannit ostekage sanavara, aatsaat misilippara kuannit atorlugit taamak sanallunga, unamminermi ajugaasoq, Tukummeq Mølgård taama oqarpoq, nangillunilu:

- Tupaqaanga, ilimaginngikkaluarpara nuan, nuannersorujussuuvoq, Aatsaat aamma misileriarakku kuannit atorlugit, nalornilaarlunga qanoq issanersoq, kisiat nuan.

Taassumalu kaagiliaanut naliliisoq Mette Blomsterberg ima nersualaarivoq:

- Pilluarit kusanarluinnarpoq, takusiuk aajuna ostekagi kuannilik kusanarluinnaqqissaartoq.

Mette Blomsterberg siullermeerluni nunatsinnut tikeraarpoq. taannalu misigisaqarluarsimaqaaq, ilaatigut kaffillertuniissimalluni alutorsarsimavoq. Nunatsinnukaqqinnissaminillu takorluugaqalereerpoq.

Qanoruumit ilanngutassiaq qulaani takuuk.