Pinngortitaleriffik: Qaleralinniarnerup avannarparternissaa aarleqqutigaarput

KNR-ip Qeqertarsuup Tunuani qaleralittat ikiliartuinnarneq sisamanngormat saqqummiuppaa. Pinngortitaleriffiup Qeqertarsuup Tunuani aalisartut avannarparterlutik qaleralinniarusulernissaat siulittorpaa.

- Qeqertarsuup Tunuani qalerallit taama ikitsigineranni Uummannamut Upernavimmullu qaleralinniarusunnerusoqassaguni taakkunani aamma aalisapiluttoqarneranut takussutissaqalissaaq, pinngortitaleriffimmi immikkoortortaqarfimmi pisortaq, Helle Siegsrad oqarpoq.

Suli aarlerinartoqartoq

Taassumalu umiatsiaararsorlutik aalisartut avannarpartilerunik sumiiffimmi tassani aamma ikisinnaanerat suli aalerinartoqarsoraa.

- Sumiiffinni taakkunani marlunni aalisartoqanngaatsialeruni taamarluinnaq aamma pisoqarsinnaavoq, Helle Siegstad oqarpoq.

AAMMA ATUARUK Qaleralinnik assagiarsunnillu pisassat amerlineqartut

Pinngortitaleriffiup Qeqertarsuup Tunuani pisut politikerit tungaaniit iliuuseqarfigineqartariaqarsorai.

- Uagut qaleralittassiissutit 2017-imut siunnersuutigisatsinnut apparneqarnissaat kaammattuutigaarput, Helle Siegstad oqarpoq.

Pinngortitaleriffiup qalerallit amerlassusaasa iluarsinissaanut Qeqertarsuup Tunuani qaleralittassiissutit 6.400 tonsimut apparnissaat kaammattuutigaa. Ukioq manna pisassiissutit 9.450 tonsiupput.

AAMMA ATUARUK Qaleralinniarneq ajorsiartuinnartoq