VHF-eqannginneq ujaasinermik kinguneqarpoq
Angutit taakkua Sisimiuniit Aasiannut tallimanngormat aallarput, Aasiannut unnukkut tikinnissartik nalunaarutigisimallugu. Aasiannut arfininngormat tikinngimmata, ilaqutaasut politiinut nalunaarutigaat, politiillu angallataat tamatuma kingorna ujaasitinneqalerluni.
Angutit taakkua angallataata motooria unittoorsimavoq, angallammilu maaniinnaq unnuisimallutik.
Angallat angallammit allamit sanioqquttumit naammattoorneqarpoq, kalusiullugu Aasiannukaallugu.
Angutit taakkua oqarasuaatinik angallattakkanik sumiissussersiummillu GPS-imik nassarput. Oqarasuaatit angallattakkat sakkortusaavinnit ungasippallaarlutik attaveqarsinnaasimanngillat, oqarasuaatinik qaammataasat iluaqutigalugit attaveqartartunik satellit telefoninik peqarsimanngillat, angalatillunilu pingaaruteqarluinnartoq, radiukkut attaveqaat VHF radio, aamma pigisimanagu.
Taamaattumik imaatigut angalasut tamarmik politiinit kaammattorneqarput radiukkut attaveqaammik VHF-imik peqartaqqullugit.