Filmiliornermik ilitsersuisartoq tusaamasaq Nuummi tikeraartoq

Filmiliassami "Aquarela"-mi ilanngunneqartussat immiunneqartussaammata, ilaatigullu Nunatsinni pisunik imaqartussaammat, Victor ulluni makkunani nunatsinniittoq, filmiliortartut peqatigiiffiat film.gl tusagassiuutinut nalunaarummi allappoq. 

Film.gl-ip taanna filminik piviusulersaarutinik filmiliullaqqissuusoq oqaatigaa.

Filmiliornermik ilitsersuisartup Victor Kossakovskyp nunatsinniinnermini pikkorissartitsissaaq, tassanilu kalaallit filmiliortartut pikkorissaqataanissamut periarfissaqassapput. 

Filmernermik filmiliornermillu soqutigisaqartut Kossakovskyp filmiliarsuanik "Vivan las Antipodas"-imik isiginnaarnissaminnik periarfissaqarput.

Filmi Nuummi Katuami unnugu sisamanngornermi takutinneqassaaq isernerlu akeqanngilaq.

Filmimi isiginnaartut nunarsuup ilorpiaanut periarlutik, illuatungaatigut anillakkunik, suut siumorsinnaaneraat imaluunniit takusinnaaneraat misissorneqassaaq. 

Russip filmiliaani "Aquarela"-mi erngup nunarsuarmut pingaaruteqassusaa takutinniarneqarpoq. 

Filmiliornermi immiussat ilaatigut Sibiriap kujasinnerusortaani tatsimi Bajkalimi aamma Venezuelami Angel Fallsimi kiisalu Kalaalllit Nunaani Qeqertarsuup tunuani immiunneqarsimasut takuneqarsinnaapput. 

Filmeliortitsisarfik kalaallinit pigineqartoq Anorak Film "Aquarela"-mik immiussinermi suleqataavoq.