Venstre angummik nutaamik atorfinitsitsivoq

Partii Venstre nutaamik Kalaallit Nunaat pillugu oqaaseqartartutaarpoq. Siornatigut illersornissamut ministeriusimasoq Gitte Lillelund Bech taarsissavaa, taassumami qanittukkut politikki qimappaa. - Kalaallit Nunaat pillugu oqaaseqartartunngorpoq sulisoqarnermut aningaasaqarnermullu ministeriusimasoq Claus Hjort Frederiksen.

Danskit Folketingimut qinersinerisa kingorna, Venstre partiini tamami tassaavoq Kalaallit Nunaat pillugu oqaaseqartartumik taarsiisaqattaarnerpaasimasoq. Gitte Lillelund Bech-ip oqaaseqartartutut taarseraluarpaa ukiup ataatsip siornatigut politikkimiit tunuartoq  Nunasisoqarnermut ministeriusimasoq Birthe Rønn Hornbech.

Claus Hjort Frderiksen-ip toqqarneqarnera pissusissamisoortutut ippoq, tassaagamimi Venstre-neersuni Kalaallit Nunaanni suliniutit angisuut pillugit, tassungalu atasumik inatsisiliornissamut atasumik, uranilu pillugu apeqqummut  Folketingimi oqallinnermi malunnaateqarnerpaasimasoq.

Kalaallit Nunaat pillugu oqaaseqartartortaaq oqaaseqartinniaraluaratsigu iluatsinngilaq.