Venezuelap præsidentiata pikitsitsiniat isornartorsiorpai
- FARC-ip paasisariaqarpaa amerikami kujallermi qiterlermilu sakkulersorluni pikitsitsiniarneq ullutsinni pissutsinut tulluanngitsoq, TV-kut oqalugiarnermini
inuit aallarunneqarsimasut tamarmik iperagaatinneqarnissaannik siuttui nutaat ilanngullugit kaammattorpai.
Ukiorpassuanngortuni saniliminni Colombiami sakkulersuunnerup unitsinniarnissaanik Chaves kaammattuivoq.
Amerikami kujallermi qiterlermilu Chavesip saamerliuniatut sunniuteqarnera nersorniarlugu, FARC-ip tigusat aallarussimasani arlallit iperagaateqqammerpai.
Tamatuma kingorna FARC-ip ukiorpassuarni siuttua, Manuel Marulante uummamminik unittoorluni toquvoq, taartaalu Alfonso Carno siuttunngorluni.
Tassalu taanna Venezuelap præsidentiata toqqaannartumik saaffigivaa.
Hugo Chaves, nammineq 1992-imi sakkutuut ikiorsiullugit naalakkersuisunik uppititseriaraluartoq oqarpoq, sakkulersorluni mumisitsiniarneq ullutsinni pissutsinut tulluanngitsoq.
