Venezuelami taasisitsineq pissangatitsivoq
Venezuelami, amerika kujallermiittumi innuttaasunik ullumi taasisitsinerup inernera pissanngataaqaaq, pingaartumik præsidentimut Hugo Chavez-imut. Qinigaaqqikkusoqaarmi.
Allattoq Najaaraq Egede
februaarip 15-at 2009 17:01
Hugo Chaves 1998-imi qinigaarngaartoq, 2006-imi qinigaaqqippoq 2013-imilu tunuartussaaniarluni, qinikkat qinigaaffinni marlunni taamaallaat issiasinnaatitaammata.
Chavezili neriuppoq ingerlaqqiinnarsinnaalerumaarluni.
Præsidentip qinikkat qanoq sivisutigisumik issiajumagunik issiaannarnissartik namminneq aalajangertassagaat siunnersuutigaa.
Taasisitsineq sioqqullugu taasisinnaasunik isumasiuinerup takutippaa angertut naaggaartullu amerlaqatigiiginnartut.
