Venedig ulerujussuaqqasoq ajornartuuinnermik nalunaaruteqartoq

Venedigimi ukiuni 50-ini aatsaat taama uleqqatigisoqarnera pissutigalugu ajornartuuinnermik nalunaaruteqarpoq.

Venedigimi ukiuni 50-ini aatsaat taama ulitsigisumi ajornartuuittoqartoq Italiap sisamanngornermi nalunaarutigaat.

Tamatuma saniatigut Venedigimut 20 millionit eurot sumiiffimmi ulinneranit eqqugaanerpaanut atorneqartussanngortinneqarput.

Italiap ministeriunera, Gieseppe Conte Twitterikkut allappoq.

Takornariarfiulluartartoq italiamiut illoqarfiat marlunngormat nalinginnaanngitsumik ulerujussuarmat

1966-imili taama ulitsigigami aatsaat taama ulitsigeqqippoq.

AAMMA ATUARUK Venedig ukiuni 50-ini aatsaat taama ulitsigisoq

Ulinnera Markuspladsenimut ilaatigut ulitsitsivoq, umiatsiallu gondolit imaatigullu taxat illoqarfiup ikerasaatigut nalinginnaasumik ingerlaartartut ulinneranit aqqusinernut qaqisinneqarput.

Venedigimi siggartaatit kalerrisaarutit innuttaasunut takornarianullu ulikkiartoqqittoqalersinnaaneranik sisamanngornermi kalerrisaareqqipput.

Innuttaasut angerlarsimaffii ulinneranit innarlerneqarsimasut 5000 eurot tikillugit tassa 40.000 koruunit missaannik naalakkersuisunit tapiissuteqarfigineqassapput.

Neriniartarfiutillit pisiniarfiutillillu 20.000 eurot tikillugit tunineqassapput piffissallu ingerlanerani annerusumik qinnuteqarsinnaaneranut periarfissaqassallutik, nutaarsiassaqartitsivik AFP allappoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat