Vega Sagittarius ikkarlummiit kaanngarpoq
Umiarsuaq assartuut Vega Sagittarius sisamanngorneq aggustip 16-at ikkarlittoq maanna ikkarlummit ullut 14-it matuma siorna ikkarliffimminit kaanngarpoq.
Allattoq Noah Mølgaard
Umiarsuarnik ajutoortunik ikiuisartut Smit Salvage-meersut kalittaataata ullaaq Vega Sagittarius nusullugu kaanngartippaa. Umiarsuaq nammineq maanna Nuummut ingerlaarpoq.
Qujanartumilli uuliamik aniasoqarsimanngitsoq paasineqarpoq.
Qanorpiarli ikkarlinnerup pisimanerata tusagaqarfiginissaaq utaqqigallartariaqassavarput eqqartuussivimmi nassuiaasitsinermi tamanna aatsaat pissammat.