Varna Løvstrædemi Kalaallit Illuanni tusarnaartitsissaaq
Københavnimi Kalaallit Illuanni unnugu bluesimik tusarnaartitsisoqassaaq. Varna, saqqummersitassami aappassaanik maannakkorpiaq immiussisoq, ilisarnartunik saqqummersitassamineersunillu tusarnaartitsissamaarpoq.
Allattoq Peter Troelsen, Simon Uldum
Varna, Marianne Nielsenimik ateqavittoq, blueserpalaartumillu nipilersoriaaseqartoq unnugu tusarnaarneqarsinnaavoq. Varnap 2007-imi nuuteeraq "I Wish" saqqummersippaa. Tusarnaartitsineq nal. 20.00 aallartissaaq isernerlu taamaallaat 150 kr.-eqarpoq.
Varnap qatitoortartoq Jorsi Sørensen suleqatigalugu nammineq erinniani taallianilu atornerusarpai. Nipilersoqataasut allat tassaapput Ole Frimer, bluesimik nipilersornerup iluani kitaarertartoq misilittagartooq nersornaaserneqarsimasorlu, Nunatsinnilu workshopinik arlalinnik ingerlataqarsimasoq tumerparpaartualu Claus Daugaard.