Uuttuutit Sarfannguanut

Sarfannguit, Sisimiut pigisaat, nunatsinni siullersaalluni innaallagissamik imermillu atuinermi uuttuutinik ungasianit nalunaarsuisarnermik migiligummik atuiffiulerpoq.

Ungasianit nalunaarsuisarnissaq pillugu Nukissiorfiit suliniutaat nunaqarfimmiunut marlunngormat saqqummiunneqarpoq.

Illut tamarmik innaallagissamut uuttuutaat, nunaqarfimmilu imermut uuttuutit ilaat uuttuutinik aasaru taarsersorneqalissapput, ukiarumiillu tamakkiisumik ingerlalertussaalluni, taama ineriartortitsinermut siunnersorti, Peter Kjeldmann Nukissiorfinnit nalunaarpoq.

Inoqutigiit nukissiornermik imermillu qanoq atuitiginertik akiligassiisarnermi malinnaaffigalugu takusinnaalissavaat, taamalu nukissamik atuinerminni sipaarniutimik inerneri takusinnaalissallugit. Taamaammat siunissami akiligassiissutit oqarasuaatinik atuisarnerminni akiligassiiissutit asserluinnaannik akiligassinneqartalissapput. Akiligasseeriaaserli nutaaq misiliinerup nalaani atuutilertussaanngilaq. Misileraanerulli qanoq ingerlanera nunaqarfimmi atuisartunut ingerlaavartumik ilisimatitsissutigineqartassaaq.

Siunissami nuna tamakkerlugu inoqutigiit tamarmik ungasianit nalunaarsuiffigineqartalernissaat Nukissiorfiit kissaatigaat.