Uummatimikkut misissortittartut DIH-imi misisortissinnaalerput
Misissuut, CTscanneri, Svendip nuliatalu Helene Jungep tunniussaat, koruunit milliuunip affaa atorlugit nutaamik qarasaasialerneqarmat uummalluttut Dronning Ingridip napparsimavissuani misissorneqarsinnaanngorput
Allattoq Jaaku Lyberth
januaarip 30-at 2008 16:49
Tamanna nakorsaanerup Birgitte Asmin Schurizekip tanngassimaarutigeqaa.
Qarasaasiaq nutaaq atorlugu uummatip taqarsui takuneqarsinnaalerput, taamaalillutik milittuungajassimanerit milittoornerillu ersarinnerulerlutik.
Ukiup ataatsip ingerlanerani uummalluttut 100-ngajaat Danmarkimut misissortikkiartortariaqartarput taakkuali affaannaat Danmarkimi suliaritittariaqartartut, nakorsaaneq Birgitte Asmin Schurizek oqarpoq.
Taamaalillutik ukiup ataatsip ingerlanerani napparsimasut 50-ingajaat Danmarkiliartariaarutissapput.
Napparismasumut ilaqutaanullu tamanna iluassaqaaq, napparsimaleruimmi soorunami ilaquttatit ilangerusunnerussagakkit, aammali Kalaallit Nunaata aningaasaqarniarneranut tamanna iluaqutaassaaq, Birgitte Asmin Schurizek oqarpoq.
